Në Norvegji u mbajtën Mbledhje komemorative në nder të jetës dhe veprës së Presidentit të Kosovës Dr. Ibrahim Rugova
	26 janar 2006 /TN               Presidenti Rugova mbetet përjetësisht njeriu i madh i shekullit të ri   LDK-ja në Norvegji mbrëmë, organizoi Mbledhje komemorative në nder të jetës dhe veprës së Presidentit të Kosovës Dr. Ibrahim Rugova.   Tubimi qëndror u mbajt në Kristiansand para një numri të madh pjesëmarrësish, ku për jetën dhe vepren e Presidentit Rugova foli z. Daut Haxhaj - kryetar i Degës dhe njëherësh anëtar i KP së LDK-së. Daut Haxhaj, duke përkujtuar Presidentin historik të Kosovës, në mes tjerash th se në jetën time organizative shumëvjeçare ka qenë momenti më i vështirë në organizim të një tubimi që do të thoja  të pazakonshmen dhe të padëshiruarën, “për mua dhe për ju, të deruar kolegë dhe pjesmarrës”, ka thënë Haxhaj.   Ai duke hapur takimin tha se jemi tubuar sot ti japim nderimin e fundit Liderit tonë të Madh, Presidentit të Kosovës Dr. Ibrahim Rugova. Haxhaj tha se për të folur për jetën dhe veprën e Dr. Rugovës do të duhej kohë. “Ai ishte dhe mbetet përjetësisht njeri i madh i shekullit të ri. Kryetari i Degës së LDK për Norvegji z. Haxhaj, duke shprehur dhembjen e pikëllimin e mija qytetarëve anëekënd s htetit Norvegjez pohoi se: Siç, ishit, JU, i nderuari President; i thjeshtë, popullor dhe i qartë, edhe ne sot me zemër të thyer e sy të përlotur do të mundohemi thjesht, të kujtojmë pak veprën Tuaj të madhe.   Në vazhdim z. Haxhaj foli për biografin e dr. Rugovës, ndësa në fund falënderoi   miqtë që gjatë gjithë këtyre viteve të punës për Kosovën, i qëndruan besnik rrugës që e trasoi Presidenti Rugova.   “JU dhe unë patëm fatin të punojmë për Kosovën në kohën që do të mbetet EPOKË E RUGOVËS,  epoka më e ndritur për shqiptarët e Kosovës dhe më gjerë”, tha Haxhaj duke përkujtuar takimet me Presidentin e dashur, për të shtuar: Ishte njeri i rrallë, njeri i madh dhe i dashur për popullin e vet dhe i respektuar për bashkësinë ndërkombëtare.   “Duhet të jemi krenar që e kishim dhe e i qëndruam pranë NJERIUT që na dha aq shumë, aq shumë i dha Kosovës dhe mori përjetësisht pavdekësinë”, tha z. Haxhaj në fund duke mbajtur 3 minuta heshtje për Presidentin e parë të Kosovës.   Komisioni për Informim i degës së LDK-së për Norvegji njofton se që nga e shtuna në mesditë, në adresë të Degës së LDK-së atje kanë mbërrit shumë telegrame ngushëllimi  nga institucionet norvegjeze, shoqatat dhe bashkësitë që veprojnë në Norvegji si dhe shoqata dhe organizata shqiptare dhe individë të shumtë.   Mbledhje komemorative u mbajtën në qytetet Dramen, Arendal, Stavanger dhe Kristiansand, ndërsa pritet të mbahen në Oslo, Skien dhe qytetet tjera në Norvegji.   Kryetari i Degës   Daut Haxhaj